मुंबईकरांसाठी खुशखबर-. मुंबईतील पहिला एलिव्हेटेड नेचर ट्रेल वॉकवे पार्कचे उद्घाटन झाले उद्घाटन…
मुंबई प्रतिनिधी-
दक्षिण मुंबईतील कमला नेहरू उद्यान आणि फिरोजशाहा मेहता उद्यान येथे वृक्षराजीच्या सान्निध्यात उभारण्यात आलेल्या ‘निसर्ग उन्नत मार्ग’ चे लोकार्पण कौशल्य, रोजगार, उद्योजकता व नाविन्यता मंत्री तथा मुंबई उपनगराचे सहपालकमंत्री श्री. मंगल प्रभात लोढा यांच्या हस्ते करण्यात आले.
🔹महानगरपालिका आयुक्त तथा प्रशासक श्री. भूषण गगराणी, उपआयुक्त (सार्वजनिक आरोग्य) श्री. शरद उघडे, उपआयुक्त (विशेष अभियांत्रिकी) श्री. यतीन दळवी, जल अभियंता श्री. पुरुषोत्तम माळवदे आदी मान्यवर याप्रसंगी उपस्थित होते.
🕔हा उन्नत मार्ग नागरिकांसाठी पहाटे ५ ते रात्री ९ वाजेपर्यंत खुला राहणार आहे. निसर्ग उन्नत मार्गाला भेट देण्यासाठी naturetrail.mcgm.gov.in या लिंकवरून सशुल्क ऑनलाइन तिकीट बूक करता येणार आहे.
🌲निसर्गाच्या कुशीतील खजिना पाहण्याचा नागरिकांनी आनंद घ्यावा, असे आवाहन बृहन्मुंबई महानगरपालिका प्रशासनाकडून करण्यात येत आहे.🌿
मुंबईतील कमला नेहरू पार्कपासून सुरू होतो आणि मलबार हिलच्या जंगलातून गिरगाव चौपाटीपर्यंत जातो. पदपथाचा शेवटचा भाग पर्यटकांना अरबी समुद्राच्या दृश्याचा आनंद घेण्याची संधी देईल. 485 मीटर लांबीच्या या उंच रस्त्यावर समुद्राच्या दृश्यांसाठी एक डेक देखील आहे. यासाठी सर्वसामान्यांसाठी तिकिटाची किंमत 25 रुपये असेल, तर परदेशी पर्यटकांसाठी 100 रुपये निश्चित करण्यात आली आहे. हा प्रकल्प बृहन्मुंबई महानगरपालिका (BMC) द्वारे बांधण्यात आला आहे. सिंगापूरमध्ये विकसित केलेल्या ट्री टॉप वॉक प्रमाणेच मुंबईत विकसित केलेला हा पहिलाच प्रकल्प आहे.
