सायन कोळीवाडा विधानसभा क्षेत्रात भाजपा आमदार तामिळ सेलवन यांच्या नेतृत्वाखाली भव्य तिरंगा यात्रेचे आयोजन
मुंबई प्रतिनिधी | सायन कोळीवाडा विधानसभा क्षेत्रात भाजपा आमदार तामिळ सेलवन यांच्या नेतृत्वाखाली भव्य तिरंगा यात्रेचे आयोजन मोठ्या उत्साहात करण्यात आले. “घराघर तिरंगा, प्रत्येक हृदय हिंदुस्तानी” या घोषणांनी दुमदुमलेल्या या यात्रेची सुरुवात विजय नगर, आंबेडकर नगर आणि म्हाडा चाळ येथून झाली. यात्रा एमजीआर चौक मार्गे आमदारांच्या कार्यालयात पोहोचली, त्यानंतर मक्कावाडी जंक्शन, कोळीवाडा जंक्शन, हनुमान मंदिर, सायन हॉस्पिटल जंक्शन, गांधी मार्केट आणि माटुंगा सर्कल मार्गे पुढे जात पूर्ण झाली.
या तिरंगा यात्रेत भाजपा मुंबईचे उपाध्यक्ष रवि राजा, मंडळ अध्यक्ष, सर्व वार्ड अध्यक्ष, कार्यकर्ते आणि हजारोंच्या संख्येने स्थानिक नागरिक सहभागी झाले. हातात तिरंगा लहरवत “भारत माता की जय” आणि “वंदे मातरम”च्या घोषणा देत वातावरण देशभक्तीच्या आणि उत्साहाच्या रंगात रंगले होते.
