रोहणा येथे सिकलसेल व कुष्ठरोग ‘स्पर्श’ अभियानांतर्गत जनजागृती 🔴
बुलढाणा, प्रतिनिधी-जिल्हा आरोग्य अधिकारी डॉ. अमोल गिते यांच्या मार्गदर्शनाखाली राबविण्यात येत असलेल्या “अरुणोदय सिकलसेल ॲनिमिया विशेष अभियान” तसेच ‘कुसुम – कुष्ठमुक्त सुरक्षित महाराष्ट्र (स्पर्श)’ अभियानांतर्गत प्राथमिक आरोग्य केंद्र, रोहणा येथे नागरिकांची तपासणी, समुपदेशन व व्यापक जनजागृती कार्यक्रमाचे आयोजन करण्यात आले.
👩⚕️ वैद्यकीय अधिकारी डॉ. सुहासिनी शिरोडकर यांनी सिकलसेल तपासणीचे महत्त्व विशद करत कुष्ठरोगाबाबत समाजातील गैरसमज दूर केले व ‘स्पर्श’ अभियानाची उद्दिष्टे स्पष्ट केली.
📢 जिल्हा विस्तार व माध्यम अधिकारी धुताडमल यांनी ० ते ४० वर्षे वयोगटातील सर्व स्त्री-पुरुषांनी, विशेषतः विवाहपूर्व सिकलसेल तपासणी करून घेण्याचे आवाहन केले.
या कार्यक्रमास आरोग्य विभागातील अधिकारी-कर्मचारी तसेच ग्रामस्थ मोठ्या संख्येने उपस्थित होते.
💙 आरोग्यदायी समाजासाठी तपासणी आवश्यक – आजच तपासणी करा!
